სამოქალაქო ინტეგრაციის ფონდმა განახორციელა პროექტი „ჟურნალისტური კომიქსების სკოლა“, DVV International-ის ფინანსური ხელშეწყობით.
პროექტის მიზანია რეგიონალური მედია საშუალებების შესაძლებლობების განვითარება, მათი პროფესიონალური უნარ-ჩვევების ამაღლება სენსიტიურ საკითხებზე მუშაობის კუთხით, და რეგიონალურ მედია საშუალებების დღის წესრიგში მრავალფეროვნების მნიშვნელობის წამოწევა. რაც განხორციელდება განსხვავებული და ორიგინალური მედია პროდუქტის (კომიქსის) შექმნის გზით.
პროექტის ფარგლებში, საქართველოს 4 რეგიონის მედია-საშუალებების თანამშრომლებს ჩაუტარდათ ტრენინგები ჟურნალისტურ საქმიანობაში კომიქსების, როგორც ინსტრუმენტის გამოყენებაზე. თითო რეგიონში მომუშავე ჟურნალისტებს მიეცათ შესაძლებლობა, შექმნან კომიქსი, რომელშიც ასახული იქნება მათი რეგიონისათვის დამახასიათებელი პრობლემა.
პროექტის დასასრულს, 1 კომიქსად გამოიცა ოთხივე ამბავი, რომელიც გავრცელდა რეგიონებსა და სოციალურ ქსელებში.
ამას გარდა, პროექტის ფარგლებში გაიმართა საჯარო ლექციების სერია: “კომიქსები, ანიმაცია და ადამიანის უფლებები”, რომელიც ხელს შეუწყობს მოცემული ინსტრუმენტების პოპულარიზაციას არაფორმალური განათლების სფეროში.
